ہندوستان کے بارے میں کہا جاتا ہے کہ یہاں بہت سارے تیوہار منائے جاتے ہیں۔ ہر موسم، ہر مہینے، ہر ہفتے خوشیاں منانے، جلوس نکالنے کی کوئی نہ کوئی وجہ ڈھونڈ لی جاتی ہے۔ ایک طرح سے دیکھا جائے تو یہ کسی ملک کے جاندار اور امنگوں سے بھر پور ہونے کی نشانی ہے۔
          ہندوستان میں تو پہلے سے ہی اتنے تیوہار اور جشن، میلے ٹھیلے وغیرہ ہیں کہ اگر انہیں ہی دل سے جی کھول کر منالیں تو کافی ہے۔ یہاں جو پہلے سے تیوہار اور جشن تھے ان میں بعد میں چل کر عید اور کرسمس بھی اس طرح سے جڑے کہ وہ کسی ایک مذہب کے لئے جشن کے موقعے نہیں رہ گئے بلکہ قومی تیوہار بن گئے۔ ایسے ہی ہولی، دیوالی بھی صرف ہندو، جین، سکھ تیوہار نہیں رہ گئے۔
          تیوہار تو زیادہ تر مذہبی عقائد سے جڑے ہوتے ہیں لیکن ان کا عوامی روپ کئی بار دوسرے عقائد والوں کے زندگی کا بھی حصہ بن جاتے ہیں۔ ہولی، دیوالی کے پرجوش جشن کی چرچا سے اردو شاعری بھری ہے۔
          ان سب کے باوجود کئی بار ایسا لگتا ہے کہ اگر ہندوستان کے تیوہاروں سے کھچاکھچ بھرے کیلنڈر میں تیوہار نہ ہی جوڑے جاتے تو اچھا تھا۔ پچھلے 62 سالوں میں کئی نئے تیوہار آگئے ہیں۔ کچھ کو تو ہمیں خوش آمدید کہنا ہی چاہیئے، جیسے یوم آزادی اور یوم جمہوریہ کے جشن کا تیوہار۔
          حالانکہ ادھر پندرہ بیس سالوں سے ویلنٹائنس ڈے کے جشن نے بڑے شہروں میں اپنا زور ثابت کر دیا ہے لیکن گاؤں اور قصبوں میں اس کی پکڑ ابھی نہیں بڑھی ہے۔ شہروں کی نقل میں گاؤں اور قصبے والے بھی بعد میں وہی کرنے لگتے ہیں جو بڑے شہروں والے کرتے ہیں۔ دیکھئے یہ بلا گاؤں کب پہنچتی ہے۔
          بڑے شہروں میں بھی ویلنٹائنس ڈے صرف نوجوانوں میں ہی مقام بنا پایا ہے۔ وہ بھی خوشحال، انگریزی اسکولوں کے پڑھے لکھے لوگوں میں زیادہ۔ ان نوجوانوں کے والدین بھی زیادہ تر ان کاموں سے ناخوش ہی رہتے ہیں۔ ویلنٹائنس ڈے کے رواج کے پیچھے بہت سارے بازاری مفاد بھی کام کرتے ہیں۔ کارڈ کا بیوپار، خاص فیشن اور مغربی کھان پان کا بیوپار، ''گفٹ'' یعنی تحفے کی چیزوں پر ان دنوں ملنے والی چھوٹ اور ''اسپیشیل ڈسکاونٹ'' ان میں شامل ہیں۔
          چونکہ ہم جمہوریت میں رہتے ہیں ہم اس بارے میں کچھ اور نہیں کہہ سکتے۔ جیسے ہر چیز کے پیچھے کوئی نہ کوئی سیاست ہوتی ہے ان باتوں کے پیچھے بھی کچھ سیاست ہوتی ہے۔ آپ نے دیکھا ہوگا کہ پچھلے بیس سالوں میں ہندوستان میں تیوہار کچھ زیادہ ہی شاندار طریقے سے منائے جانے لگے ہیں۔ اس کے پیچھے بھی سیاست ہے۔
          پہلے بارہ وفات کے جلوس کچھ ہی شہروں میں نکلتے تھے۔ اب یہ ہر جگہ نکلنے لگے ہیں۔ اس کے ساتھ شروع ہوگئے ہیں نئے جھگڑے۔ یہ پیغمبرﷺ کے پیدائش کے دن منایا جاتا ہے۔ لیکن دوسری بات یہ ہے کہ اسی دن محمدﷺ کا انتقال بھی ہوا تھا۔ یعنی جس دن وہ پیدا ہوئے 63 سال بعد اسی دن ان کی وفات بھی ہوئی۔
          دہلی کے مولانا عاشق علی، جو کئی سلفی ''اہل حدیث'' اداروں کے نگراں ہیں جمعہ کے خطبہ میں کہتے ہیں کہ عام طور سے یہ طے ہے کہ اسلام کو سمجھنے والے پیغمبرﷺ کے صحابہ تھے۔ انہوں نے کبھی یہ تیوہار نہیں منایا تو ہمیں بھی نہیں منانا چاہیئے۔ اسلامی معاملوں پر ریسرچ کرنے والے مولانا خالد ندوی کہتے ہیں کہ ایسا تیوہار منانا ٹھیک نہیں اور یہ تیوہار دنیا کے مسلمانوں میں ہندوستان، پاکستان، بنگلہ دیش، یعنی بٹوارے کے پہلے کے ہندوستان، کے باہر منانے والے شاید ہی ملیں۔
          پچھلے دنوں بارہ وفات پر ایسے جلوس نکالنے میں ہندوستان میں کئی جگہ جھگڑے ہوئے، جان مال کا نقصان ہوا۔ سنیوں کے بریلوی فرقے کے مطابق یہ بات ''جشن منانا'' جائز کہا جاتا ہے۔ چاہے جو بھی ہو جمہوریت کے دائرے میں رہتے ہوئے اگر ہم اور تیوہار نہ بڑھائیں تو اچھا ہوگا۔