مولانا اقبال صاحب ندوی بھٹکلی کا انتقال
۵مارچ کل بعد نماز عصر ھندوستان کے نامور عالم دین اور داعی و نوجوان مبلغ حضرت مولانا اقبال صاحب برماور بھٹکلی ندوی مختصر علالت کے بعد انتقال کر گئے آپ کی عمر ۵۳ سال تھی آپ ۱۲ سال تک جامعہ اسلامیہ بھٹکل میں تفسیر و حدیث کے استاذ اور شہر میں تقریباًدس سال تک نائب قا ضی کے منصب پر فائز تھے کل ہند سطح پر آپ نے اب تک اپنے بھائی اور ملک کے نامور عالم مولانا ایوب صاحب ندوی بھٹکلی کے ساتھ ملکر ہزاروں مساجد مختلف صوبوں میں تعمیر کیں اور سینکڑوں مدارس و مکاتب قائم کئے آپ آل انڈیا جمعیت سنہ خیریہ کے جز ل سکریٹری بھی تھے آل انڈیا مسلم پرسنل لاء بورڈ کے صدر حضرت مولانا محمد رابع صاحب حسنی ندوی اور مہتمم ندوۃالعلما ء لکھنؤ مولانا سعید الرحمٰن صاحب اعظمی نے آپ کے سانحہ ارتحال کو ملت کا ایک عظیم خسارہ قرار دیا ہے آج نماز جمعہ سے پہلے آپ کی نماز جنازہ بھٹکل ادا کی گئی جس میں ہزاروں لوگوں نے شرکت کی | 
